ผู้ใดเกิดปีเร้า(น่าจะก่าเร้า)ขี่ช้างลงมา ปีดับเร้าถือถงลงมา ปีเมือง เร้ากอดคอแม่ลงมา เกิดปีกัดเร้านอนกองไฟมา เกิดปีลวงเร้าถือถงลงมา แล เทวดาปั้นเบ้าจ่ายมภิบาลมาหล่อ จักเสียเข้าของ 5 ที พี่น้องมึงชังแลเข้าก่ยังอ่อนหามีอายุขึ้นหัน(น่าจะเป็นหมั้น) แน่ แล ยามน้อยท่านดูแควนแล อายุได้ 8 ปีเป็นเปียธิร้าย 13 ปีหื้อตาย คันบ่ตาย 20 ปีคันบ่ตาย 57 ปีตาย คันบ่ตาย 61 ทีนึ่งตายแน่แม่แช่งทวยมาว่า หื้อตายคัดขี้คัดเยี่ยว ตายบวมปอง ตายเป็น หูดเป็นเป๋า(เป็นปูดนูน) เป็นตุ่มเป็นฝีตาย เสือขบ หมียาด ท่านผูกมัด จำคำเทอะว่าอั้นแล คันจักส่งหื้อมี หมูตัวนึ่ง ผ้าผืน นึ่ง เสื้อผืนนึ่ง เงินบาทคำบาท เบี้ยร้อยนึ่ง พริกเกลือ เข้าเปลือก เข้าสารนึ่ง ส่งเทอะ.
บุคคละผู้ใดเกิดปีเล้า ลงด้วยไก่แล หื้อสร้างธรรมพิมพาพิราบ ธาตุเหล็ก แล หื้อตือดาบ 19 ไม้ปลายบัว มันลุกพรหมมาเกิด ชาติก่อนเป็นหมา หั้นมาเป็นช้าง จากหั้นมา ได้เป็นครุทชะส้าน จากหั้นมาได้ป็นคนในชาตินี้ สร้างแปลงอันใดบ่สม ฤทธี หลายมีนัสน่อย(น่าจะมีเข้าของข้างหน้า) หื้อมีใจกระทำบุญยังจักดี แล แม่เลี้ยงยาก จักเอาผัวเอาเมียหื้อเอาคนขาวต่ำ ดำสูงสน่อยก่ดี คัน ผู้ญิงหื้อไปสู่เรือนท่านจิ่งดีมีเข้าของชุอันชะแล หื้อตือแก้วบัวระ กตยอด เท่าแก้วประภาชมชื่น ถงเป้งสองชั้นนอกหม่นในขาวสายเหลือง หื้อเอา เมียอันเกิดปีสัน ปีเม็ดนั้น เข้าเขตอายุได้ 11 ปีตายทีนึ่ง 12 ทีนึ่ง 78 ตายเดือน 8 ออก 2 ค่ำ ยามเช้าชะแล เลี้ยงงัวมุกควายปอนเป็นเคล้า ปลูกเข้าแดงเป็น เคล้า ค้าคำปิว ค้าขี้เผิ้ง ค้าผ้าขาวเทอะคันหมั้น ค้าทั้งหลายฝูงนี้ จักมีเงิน 5000 จักมีลูก 6 คน คนผู้นี้ 3 อยู่หัวมีประญ๋า 5 เป็นใจๆดีนัก 4 อยู่มือขวามักไปแอ่วบ่สู้อยู่ 6 อยู่มือซ้ายเยียะอันใดบ่สู้หุมสู้ช่างหุมไปแอ่ว 1 เป็นลิง ใหญ่สั้น ญิงก่สันเดียวกั๋น มักเถียงท่านบ่กลัวช้ำ มันใจหาญนัก อาสาขุนนางรัก 2 อยู่ตีนขวาช่างหุมไปแอ่วเหล้นเรือนท่านแล 7 อยู่ตีนซ้ายไปไหนเมียช่างเหล้นชู้สน่อยแล |
